Plantun de Prouvènço

Pèr coumpara dos planto d'encò nostre

Hypecoum pendulum & Heliotropium europaeum

Hypecoum pendulum

Papaveraceae

Noms en français : Cumin à fruits pendants, Petit Cumin.

Descripcioun :
Lou cumin-pendoulant trachis dins li champ de cerealo. Mai emé lis erbicide e la criblo di gran, es uno planto que se vèi pu gaire. Fai de fueio primo e proun penado, de flour mistoulino un pau plato emé li petalo dóu deforo mai longo que li dóu dedins. Douno de long fru que pendoulon (fotò). La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Hypecoum
Famiho : Papaveraceae

Ordre : Ranunculales

Coulour de la flour : Jauno
Petalo : 4
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à jun

Liò : Champ - Meissoun - Ermas
Estànci : Mesoumediterran
Couroulougi : Eurimediterrano-Èst
Ref. sc. : Hypecoum pendulum L., 1753

Erbo-di-toro

Heliotropium europaeum

Boraginaceae

Àutri noum : Erbo-dei-touero, Erbo-di-berrugo, Erbo-dei-Barrugo, Mourello-bastardo, Eliotropo.

Noms en français : Héliotrope d'Europe, Héliotrope commun.

Descripcioun :
L'erbo-di-toro èi proun coumuno dins lis escoumbre e li champ ounte flouris à la fin de l'estiéu. Se recounèis eisa à si flour en cimo, lis uno darrié lis autro que sèmblon proun à-n-uno toro. Fai de pichot fru redoun que dounon d'èr à de coucourdoun. Li fueio soun un pau cendrado.

Usanço :
L'erbo-di-toro es uno planto empouisounanto que caup proun d'alcalouïde. Ei couneigudo pèr sougna li berrugo, faire tomba la fèbre e lucha contro li gròssi règlo. Poudès vous n'en servi contro li nieroun.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto renadivo

Gènre : Heliotropium
Famiho : Boraginaceae

Coulour de la flour : Blanco Jauno
Petalo : 5
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Champ - Escoumbre e proche dis oustau
Estànci : Termoumediterran à Coulinen
Couroulougi : Pancaro entresigna
Ref. sc. : Heliotropium europaeum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Hypecoum pendulum & Heliotropium europaeum

ges

Coumpara Cumin(-pendoulant) emé uno autro planto

Coumpara Erbo-di-toro emé uno autro planto